30.03.2018.

თემა:  ბრტყელი გეომეტრიული ფიგურები

მიზანი: ბრტყელი გეომეტრიული ფიგურების დასახელებები, კლასიფიკაცია, მართკუთხედისა და კვადრატის ცნებების გააზრება, მათი აღწერა სიმეტრიის პრინციპზე დაყრდნობით, გეომეტრიული ფიგურების დასახელება ასოების გამოყენებით და ამ აღნიშვნების პრაქტიკაში გამოყენება.
  მოსწავლეთა გეომეტრიული წარმოდგენების გაღრმავება.
  შეხვედრა დავიწყეთ მოსწავლეთათვის ნაცნობი გეომეტრიული ფიგურების წარმოდგენით და მათი დასახელებების გახსენებით.
  მოსწავლეები აღწერილობის მიხედვით ამბობდნენ  გეომეტრიული ფიგურების სახელწოდებებს.
  განვიხილეთ სხვადასხვა ოთხკუთხედების სახეები, კერძოდ, რომლებიც მოცემული მოდელის გადაკეცვის შემთხვევაში ტოლ ფიგურებად შეიძლება დაიყოს და რომლებიც აღნიშნულ შემთხვევაში არ იყოფიან ტოლ ფიგურებად.
  აღვნიშნეთ, რომ ყველაზე სიმეტრიული ფიგურაა კვადრატი, რომ მას ოთხი სიმეტრიის ღერძი აქვს. ბავშვებმა გაიხსენეს ისიც, რომ ყველა კვადრატი მართკუთხედია, ხოლო ყველა მართკუთხედი არაა კვადრატი. ვაჩვენეთ შესაბამისი მოდელები.
  წარმოვადგინეთ ისეთი ოთხკუთხედიც, რომელსაც კვადრატის მსგავსი თვისება აქვს
(დიაგონალები ტოლ ნაწილებად იყოფა), მაგრამ ის არც მართკუთხედია და არც კვადრატი (იგი რომბია). გეომეტრიული ფიგურები დავასახელეთ ასოების გამოყენებით.
  ბოლოს ბავშვებმა შეასრულეს ჯგუფური სამუშაო. თითოეულმა ჯგუფმა გამოჭრა ფიგურების მოდელები, აღწერა ისინი და დაასახელა სახელწოდებები.
  შეფასებისას გავითვალისწინეთ თუ რამდენად სრულყოფილად გაართვა თავი დავალებას თითოეულმა ჯგუფმა.

  შედეგად მოსწავლეებმა შეძლეს გეომეტრიული ფიგურების აღწერა, გამოთვლებისა და გაზომვების შედეგების წარმოდგენა, რითაც საყურადღებო ნაბიჯი გადადგეს  ,,მათემატიკური ენის" დაუფლების მიმართულებით.