13.04.2018.
თემა: სიგრძის ერთეულები, პერიმეტრი
მიზანი: სიგრძის სტანდარტული ერთეულების გაცნობა (სმ, მმ, დმ, მ); მათი შემოღების საჭიროების გააზრება. მარტივი საილუსტრაციო ამოცანების განხილვა.
ვისაუბრეთ ზომის სტანდარტულ ერთეულებზე, შევეხეთ მათი შემოღების ისტორიას. აღვნიშნეთ, რომ სიგრძის ზოგიერთი ერთეულის შემოღება სახელმწიფოთა მეთაურების ნებასურვილით ხდებოდა. მაგალითად ინგლისში გავრცელებული იყო ,,იარდი," რომელიც შემოიღო ინგლისის მეფემ. (იარდი არის მანძილი მეფის ცხვირის წვეროდან გაშლილი ხელის დიდი თითის წვერომდე). გავიხსენეთ სხვა ერთეულებიც - ციდა, გოჯი, მტკაველი, ნაბიჯი. თუმცა ერთნაირი ერთეულის საჭიროების გამო შემოიღეს მეტრი. აღვნიშნეთ, რომ არსებობს მისი ეტალონი, რომელიც ინახება საფრანგეთის ერთ-ერთ ქალაქში პარიზის მახლობლად. ბევრმა ქვეყანამ მიიღო ეს ერთეული და მასთან დაკავშირებული ერთეულებიც (დმ, სმ, მმ ). თუმცა ზოგიერთ ქვეყანაში სხვა ერთეულებიც გამოიყენება. ვისაუბრეთ იმაზე, თუ რას ნიშნავს ,,გავზომოთ". (შევადაროთ ეტალონს, სიგრძის ერთეულს). აღვნიშნეთ, რომ სიგრძის სტანდარტული ერთეულის შემოღება ათობით სისტემაზეა დაფუძნებული, რაც აადვილებს ერთი ერთეულიდან სხვა ერთეულზე გადასვლის გააზრებას.
გამოვთვალეთ სხვადასხვა გეომეტრიული ფიგურის პერიმეტრი უკვე ნასწავლი ფორმულის მიხედვით.
ბოლოს შევასრულეთ მათემატიკური თამაში: ,,გამოვიცნოთ გეომეტრიული ფიგურა".
( ჯგუფებს შორის შეჯიბრი: ფიგურის დახასიათების მიხედვით მოსწავლეებმა მათ ხელთ არსებულ ფიგურებს შორის უნდა შეარჩიონ შესაბამისი ფიგურა და წარმოადგინონ. შეიძლება ისეთი თვისებებიც ჩამოვთვალოთ, რომლის შესაბამისი ფიგურა არ არსებობს ან ხელთ არ გვაქვს).
შედეგად მოსწავლეები გაეცნენ სიგრძის სტანდარტულ ერთეულებს, გაიაზრეს მათი მნიშვნელობის და პრაქტიკაში გამოყენების აუცილებლობა.
მიზანი: სივრცული ფიგურების შემადგენლობისა და ახალი ტერმინების გაცნობა.
შედეგად ბავშვები გაეცნენ თუ რა ნაწილებისაგან შედგება სივრცული ფიგურები,
